الأحد، 25 سبتمبر، 2011

محتار بين E7 و X7

طبعا الجهازين ممتازين بشكل عام و مع انو الX7 أجدد شوية من الE7 و لكن هدا لا يمنع انو الE7 متطور و بتقنيات عالية...

من ناحية الهاردوير:
من ناحية التصميم طرق التعامل مع الجهاز فيوجد اختلاف جوهري بينهم و الي هو انو E7 فيو كيبورد و يعمل باللمس كمان بينما الX7 مافي كيبورد
و أنا شخصيا ما بحب التتش و لكن للأسف فالتكنولوجيا تتجه الى التتش و هدا طبعا لتكبير مساحة الشاشة على حساب الكبسات العادية ...
الشاشتين نفس الحجم و نفس الدقة عدد الألوان في E7 16 مليون و في X7 16.7 مليون و لو انو الX7 فيو ألوان أكتر ب700 ألف لون زيادة ههههههههه \بعا العين المجردة ما راح تقدر تميز هدا الفرق البسيط
وزن الE7 176 جرام (يعني شوي و بصير ربع كيلو لووووووول و الX7 146 جرام برضه تقيل بس الE7 أثقل شوي....
و لو اني ما بهتم بالشكل كتير و لكن برأيي شكل ال X7 غبي لا هو مربع و لا هو مستطيل و الE7 شكله هيك بخلي الناس يفكرو صاحبه انو أكثر ذكاء :D
السعر مو مهم لأنو الجهازين بقدر أخدهم بعرض ببلاش على اشتراك لمدة سنتين بس الحق يقال الE7   أغلى ب30 دينار كويتي من الX7

الجهازين سيمبيان أنا و الفرق بينهم بسيط في بعض المجالات و أهمها:
-          الE7 ما بيركب عليه ميموري و لكنه بنفس الوقت فيه ذاكرة داخلية جبارة 16 جيجا! الE7 الذاكرة فيه فقط 8 جيجا و ممكن يركب عليه لغاية 32 جيجا ميموري كارد
-          جودة الصوت في E7 أفضل منه في X7
-          الE7 يحتوي على بوصلة!
-          يالكامير في التنين 8 ميجا و لكن في الX7 فيها فل فوكس! الفل فوكس يعتبر مهم جدا للحصول على صور أوضح و أثبت! الغريب في الموضوع انو بتصوير الفيديو الجهازين بصورو بنفس الدقة! و نفيس عدد الفريمات الغبي 25 فريم لكل ثانية لا أعلم سبب تركيز نوكيا على 25 فريم لكل ثانية و من الملاحظ انو أنجح الكاميرات كانت ب30 فريم لكل ثانية (مثل N8 N95) و لكن نوكيا مصرة أن لا تعطي ميزة التصوير الممتاز لمعظم أجهوتها :(
* ال
E7 (و كنتيجة طبيعة لجودة الصوت فيه) بيعطي صوت sourounding  أوضح بتصوير الفيديو
-          تقنية جديدة على الموابايلات تم دمجها في الE7 ألا و هي انو صار بامكانك اذا شغلت الراديو انك تشوف معلومات البرنامج أو الأغنية على الشاشة نفس الراديو الموجود في بعض السيارات...خاصية حلوة و لو اني ما بستعملها
-          بالنسبة للألعاب +1 لصالح E7 لأنو فيو كيبورد يعني لعب بتحكم أعلى :)


و أخيرا و ليس أخرا، تغليف جهاز X7 مصنوع ما نسبته 84% من مواد معاد تصنيعها بينما الE7 مصنوع من 60% فقط :(


مساويء الجهازين:
·         مستقبل مجهول بالنسبة لنظام التشغيل و بالتالي برامج و ألعاب أقل (ممكن يقل و ممكن يزيد)
·         مافي راديو ترانسمتر بالجهازين:(
·         ما بقدر أشبك أي واحد على التلفيزن (يلعن أبوكي يا نوكيا :@


الاثنين، 19 سبتمبر، 2011

نوكيا E6

روعة ما شاء الله روعة موصفاته
في كتير مشاكل بالموديلات الي من قبل عالجوها بهدا من أهمها موضوع الكاميرا لأنو فيها فل فوكس يعني كواليتي الصور تقريبا نفس موبايلك الان 8

أنا مستغرب من شغلة انو عادة الأجهزة الي مع كيبورد بتفتقد لكتير مزايا من الترفيه لأنها بتكون مخصصة لفئة رجال الأعمال و بشكل عام مخصص للناس الي بدها تتواصل مع الإيميلات و الشغل أصلا فيو كبسة مخصصة للإيميلات بس الحلو الي ضافو على هدا الجهاز:
- تحسنات عل كاميرا (فل أوتوفوكس)
- اضافات على على البروسيسر عشان يدعم ال3D
- بدعم الشبك بالتلفزيون عن طريق الكيبل
- و موضوع التتش ممتاز جدا كمان بعطي حرية باستعمال الجهاز و فليكسيبيلتي عالية كتير
-ريسوليوشن الشاشة 640 ×480 و هدا اشي كتيـــــــــــــــــــر ممتاز معظم الأحيان نوكيا بتعمل ريسوليوشن الشاشات الي معها كيبورد باشي مختلف عن المنتشر و بالتالي معظم الألعاب ما بتشتغل عليها بشاشة كاملة  lمثلا
بس بهاي المرة الفرق بالريسوليوشن مو كبير ...و طبيعي يكون في شوية فرق لأنو الشاشة مربعة...
و بالمناسبة شاشته يفترض انها أوضح بكتير من شاشة الN8 لأنو حجمها أصغر و تقريبا نفس الريسوليوشن يعني نفس دقة الشاشة بس حجمها أصغر يعني صورة أوضح و أصفى...
و لو اني مستغرب انو ليش الشاشة LCD مش LED  زي باقيت الموديلات الجديدة ...الLED أحسن و استهلاك البطارية أقل (طبعا على افتراض انو الألوان مو كتير ساطعة...) بس بكل الأحوال الشاشة ممتازة

بس الحلو ما يكمل....تصوير الفيديو منيح بس مش ممتاز كتير لأنو بس بصور 25 فريم بالثانية...منيح بس مش ممتاز....و لكن بالصور الثابتة الكاميرا بتثبت جدارتها

و أخيرا الجهاز يعمل على نطام سيمبيان أنا الجديد و الي لحد الأن مو معروف شو مصيرو بعد ما نوكيا وقعت اتفاقية تعاون مع مايكروسوفت بشهر 2 هاي السنة على أساس يطورو أجهزة بنظام ويندوز فون....يعني اتفاقية تعاون مشترك بين خبرات نوكيا بالتسويق و التصاميم و الكاميرا + النظام التشغيلي القوي من مايكروسوفت... بس عل أغلب نوكيا اذا قررت التخلي عن السيمبيان فلن يكون بسرعة عل أقل تقدير شخصي مو قبل سنتين من هلأ...و الله أعلم

المهم سيمبيان أنا رائع جدا وتم التعديل على خواص كتير تحديدا بالويب و لو انو سوجد لدي بعض التحفظات الشخصية على التعديلات الي عملوها على الكيبورد و لكن بشكل عام النظام صار أثبت و أمتن و قليل التعليق من أول...

الخلاصة:
جهاز ممتاز جدا يجمع جميع ما تحتاجه لأعمالك و بنفس الوقت لا يتركك بدون قليل من الترفيه...