شو بتعني هاي الحركة؟

بثقافتنا.... هاذي الإشارة معناها حرفياً (بس يروحو الضيوف انا بفرجيك) 😂 😂 😂 بالفصحى : تقوم الأم أو الأب عادة بعمل هذه الحركة لإبنه الشقي الذي قام بالكثير من الشقاوة مع وجود ضيوف أو غرباء بالمجلس فيقوم ولي الأمر بعمل هذه الحركة و أحيانا يرافقها "عضة" على الشفة السفلى... و هي اشارة بالوعيد بالضرب فور ذهاب الغرباء

آخر موقف سيارة

لو كان ضايل موقف سيارة وحدة
و وصلت انتا و جارك بنفس الوقت شو حتعمل؟

الخيار الأول: تاخد الصفة و كإنك مش شايفه ....و احتمال كبير كتير يعطيك نظرة احتقار...

الخيار التاني: تضحك بوجه جارك و تعزم عليه ياخد الموقف....99.999% مش حيمتنع و حياخد الموقف و تضطر انك تروح تسفط بآخر الدنيا

في خيار تالت وارد:
انو جارك ممكن يعزم عليك و يضحك بوجهك عشان تاخد الموقف، بس انتا بالغالب حتستحي و حترفض و ممكن تضلو دقيقتين تتعازمو على بعض و بالأخر بالغالب حتخليه ياخد الصفة و حتروح تصف بآخر الدنيا، بس على الاقل حتكون مبسوط من الي عملته مع جارك!

آخر احتمال انو جارك ما يعبرك و ياخد الصفة....بهاي الحالة حتصف بآخر الدنيا و حتشتم جارك بسرك...

شي محير 😂

I'm not getting older, i'm getting happier!

Man landed on the moon in 1969...

then in 1973 man landed again on the moon...

then nothing happened, the whole world had no further surprises

until exactly 20th of January 1982!

on the day I was born :D

Yes!

unlike the past 10 years this time I am really happy for my Birthday!

my birthday isn't the saddest day of the year anymore!

being positive looking around my self, what I have currently, what I'm about to have, it's all what any person dream of! thank god I have whatever I have, I will always be grateful for every little thing in my life.

Reaching age of 32 now, have made me realize that my life JUST got started! and life is really so short to live it being sad that I'm growing up, well, I'm not anymore! since I got married I used to tell my wife that I can imagine us both old couple where our children's have married and we are still holding hands and still as romance as we were, and will always be! I will keep that image in my mind, I will always keep picturing Dr./Developer Rayyan or whatever he wants to be as my best friend....The Zaghloul Team we are now! and Taleen, you're the sweetest thing in my whole life, there's a special place for my lovely daughter in my heart that no one can reach, you will always be in that special place! May Allah protect you both and give me the strength and the knowledge to be the best father.

Unfortunately, I didn't spend a lot of time with my father, he passed away when I was just 16, visiting his grave every time I go Jordan, and all the prayers I'm sending to him can really express how sad I am for losing him, that he never got to see my kids, he never got to see my high school grade, my university degree, may his soul rest in peace. and my lovely mother, you are the light of my life, without your prayers, I'm pretty sure I wouldn't have achieved anything in my whole life, may Allah give you the strength and take away any pain or sickness, and one last thing to you mom, being away from you in Kuwait will only increase your love, you will always be with me in every step of my life.

among all my brothers and sister, I miss the old days, ranking number 7 in the family had made the age difference a bit of too much, but you all have nothing but love in my heart, and I would like to thank Refaat (the middle brother in my family) of course all that to Allah, but without someone's taking the father responsibility in the family, the family would have collapsed for sure, your emotional unquestioned support means a lot to each and every member of the Fares Zaghloul family, your generous financial support is the reason we are where we are now, may Allah reward you the best inshallah.

Thanks for all my friends, people who I met in real life and all Social friends, I'm so thankful for being a part of my life...

and lastly, Happy Birthday to Myself! for the first time! I'm happy in my birthday!

الشباك....شباك الطيارة

تقريبا بحياتي كلها ما بتزكر اني قعدت على الشباك....على عدد سفراتي الي سافرتها ما بتزكر متى كانت أخر مرة قعدت فيها على الشباك في الطيارة...
لما كنت عزابي و كنت أسافر كنت أعمل البوردينج و أخد الشباك بس دائما دائما كان ييجيني المضيف و بكل أدب و احترام يطلب مني أبدل الكرسي مع واحد تاني عشان الزلمة بعيد عن مرتو...أو وحدة بكل أدب و احترام تطلب مني أبدل الكرسي معها عشان تقعد جمب صاحبتها....يا جماعة الخير مرة انطلب مني أبدل مع ولد صغير عشان سعادة الطفل بحب الشباك!!! و أنا طبعا بكون مستر "نايس" و بقوم و أنا ببتسم....
و في أخر سفرة من سفرات العزوبية حجزت أونلاين و اخترت الكرسي أونلاين و وقتها برضه اخترت وجبة خضار...و نسيت اني حددت الوجبة....و مرت أشهر و بس اجا موعد الرحلة كالعادة طلعت عل طيارة و زلمة طلب يبدل معي عشان يقعد جمب مرتو...بتزكر وقتها اني اتدايقت و قمت من دون ما أبتسم بوجهو....أو أعتقد اني ابتسمت ابتسامة صفراء حقيرة...و بعد ما طارت الرحلة سمعت الحرمة بتتخانق مع المضيف بتقولو أنا بدي وجبة جاج مش خضار و هو بولها لأ حضرتك طلبتي خضار و هدا موجود بالحجز...أنا كنت ماخد وجبة الجاج و مبسوووووط عليها ههههه ما رفعت راسي و قلت خليكي الله لا يردك انبسطي عل شباك....
اعتقدت انو موضوع الشباك راح ينتهي أول ما أتجوز لكني للأسف كنت علطان بالعكس تماما... زوجتي و ابني صارو همة الي بيقعدو عل شباك هههههههههه و بأخر رحلة قررت المسكينة تخليني أقعد عل شباك بس كنا راجعين من سريلانكا و كان في 3 كراسي أنا و مرتي و كمان واحد سيلاني ريحتو طالعة أستغفرو الله بتقرف!
و الله ما هنلسي أخليها تقعد جمبو...فضحيت و خليتها هية على الشباك و أنا كنت بمثابة حائط الصد لرد الرائحة الفظيعة...أو بالأحرى كنت بمثابة عازل روائح بمتص كل قرفو و هي ما بيوصلها اشي....
و هلأ بهاي الحظة الحاسمة أنا راجع عل كويت لحالي و مرتي بعد شهر راح تروح و تلحقني...و هيني و اسم الله علي قاعد عل شباك و فش حتى حدا جمبي!!!!
السؤال القوي هلأ....هل راح يضل عبود قاعد عل شباك؟ مع العلم انو الكرسي الي جمبي لحد هلأ فاضي و الطيارة حتطير بعد 10 دقايق....تابعوني و بس أوصل الكويت على خير و سلامة يا اما بعلق هون بسمايلي حزين أو بنشر شوية صور من الجو بالاس 4 😁

خيانة ريان

قبل شوي كنت قاعد بالغرفة التانية متمدد جمب تالين و ظهري للباب و ريان كان بالغرفة التانية مع امه...

أنا استغليت الفرصة و صرت ألاعب تالين ....و فجأة تطلعت وراي و لقيت ريان بتطلع علي التطليعة تاعت "مسكتك يا خاين متلبس" و أول ما اجت عيني بعينو صفن فيه شوي و بعد أقل من ثانية صحي من الصدمة و صار يعيط و طلع من الغرفة و ما سمحلي حتى أبرر الموقف و بما انو سريع بالركض قررت اني ما ألحقو....

و استعملت كلمة السر الي خلتو يرجعلي زي التوتو...صرت أصيح بالبيت "زييييييت زيييييييييت" رجعلي عل سريع و لو انو أول ما شافني أعطاني ظهرو عشان أحملو على راسي....لكني راح أعتبر انو صفحة الخيانة و كسر الوعد الغير رسمي بأنو ما نلاعب المسكينة أبدا ...انها صفحة انطوت و ما راح تتكرر قدام ريان أبدا!

أنا مقدر وجهة نظرك بايا حبيبي و مافي أي مبرر للي عملتو و حتى لو كانت حشيشة أختك رايقة و مسخسخة و شكلها مشجع للعب هدا ما ببرر خيانة مشاعر معاليك...

حيوانات مظلومة

أنا لن أتحدث في مقالتي هذه عن سوء معاملة الحيوانات و حقوق الحيوانات هذا ليس موضوعي الأن، بل موضوعي عن الخلط بين عالم الحيوان و عالم البشر...

الخلط اللفظي بين عالم الحيوان و عالم البشر يؤدي لنتائج و استعمالات قد لا تعبر عن واقع هذه العوالم و هذا الخلط ناتج من فقدان جميع الكائنات الأخرى للقدرة على الإستيعاب (جملة صعبة الفهم اقرئها مرة ثانية بتمعن)

ما لقيت جملة أبسط....


و كنتيجة لهذا الخلط فاننا نضرب المفاهيم الأساسية و ركائز الطبيعة بعرض الحائط لنبني قواعد جديدة يتم التعايش معها لهنيهات بسيطة عند الخلط بين الحيوان و الإنسان.
برضه جملة معقدة لأ و استعملت كلمة لا أعلم ان كانت موجودة باللغة العربية من الأساس (هنيهات) من (هنيهة)....هل يوجد كلمة اسمها هنيهة من الأساس؟؟؟؟ 


ما علينا، في كثير من المواقف بالحياة ارتبط بأذهاننا وصف لأفعال يقوم بها أشخاص بحيوان معين، و سأحاول بشكل سريع اعطاء أمثلة على هذا الوصف بحسب الحيوان، ة بعدها سأوضح وجهة نظري بأن هذا الحيوان مظلوم...


الحمار
لعل الحمار هو أكثر الحيوانات استعمالا يليه الكلب و الخنزير...




يستخدم الحمار في حياتنا في الكثير من المقولات المشهورة فنقول:

• الي بيشتغل كتير بحكو عنه حمار شغل (هنا الحمار دليل على الأهبل الذي يعمل طول اليوم)
• يا زلمة انتا واحد حمار (بهذه الجملة لقد وصفت الذي أمامك بأنه انسان غبي و بطريقة غير مباشرة)
• ما تتحمرن (يعني ما تعمل حركات غبية و تصبح حمار)
• يا رجل الحمير أفهم منك!
• الله لا يوفقه الي حرمك أكل الشعير (قليلة الإستخدام و قمة في البلاغة!)
• شو شايفني حمار؟

و غيرها الكثير من الجمل...مسكين الحمار ...مع انه مخلص بالعمل و دؤوب و لا يشكي و لا يبكي، و أنا صدقا و بدون مزاح أعتقد انهم يجب منا أن نقدر هذا الحمار، فهو حيوان مسكين و أحسن من الكثير من البشر...بدلا من أن نحترمه نحن نستخدم اسمه للشتائم...

جيبولي موظف ما بيشكي من الدوام الطويل و لا بيطالب بتحسين ظروف العمل...

برأيي الشخصي، الحمار حيوان مظلوم جدا جدا جدا و مسكين فهو يعمل و يحمل أضعاف وزنه فوق ظهره و يصبر على الجوع و العطش و يسير لفترات طويلة دون كل أو ملل.


لكن لا تزعل يا حمار...في ناس قدرتك و عملتلك أغنية و سمتها (بحبك يا حمار)!

البقرة

بتعطينا حليب و لحمتها أنظف و أزكى من لحمة الخاروف...


البقرة عادة تستخدم لوصف الناس البدناء (جمع بدين)...
و الغريب بالموضوع أن البقرة (و هي مؤنثة) تستعمل لوصف الذكر و الأنثى من الإنسان!!!
يعني البقرة كسرت كل قواعد اللغة العربية ...


لأ أعلم ما سبب استعمال البقرة لوصف البدين...البقرة ليست الحيوان الأكثر بدانة...يوجد الفيل مثلا!


و بكل الأحوال شخصيا أعتقد أن وصف البقرة للبدين من أكثر الإهانات التي ممكن أن يتعرض لها الإنسان أنا شخص بدين و فعلا أتضايق من تشبيهي به...ما يهون علي هو أني عل الأقل طويل بعض الشيء (نصاحتي رايحة بطولي نسبيا لولا الكرش هههههههه)

النملة و الصرصور
مسكينة هالنملة ...بتشتغل و بتحرث زي الحمار (أوه أوه...استعملت الحمار لوصف شيء...سوري يا حمار)
النملة مجتهدة جدا بتشتغل بالصيف و بتريح بالشتا ...
تستعمل النملة كثيرا بأغاني الأطفال...و تكون دائما مرافقة للصرصور الكسول السيء ...حتى بفلم Bug's Life ظهر لنا الصرصور بأنه كسول على عكس النملة...


النملة و مع اخلاصها بالعمل و تفانيها لا تزال تستعمل لوصف عقلية الشخص المغلقة فيقال (عقله مثل عقل النملة) يا حرام عليكي يا نملة...ليس ذنبك أن عقلك حجمه صغير...

الخنزير

بالواقع انا لا أعلم ما فائدة الخنزير في دورة الحياة فهو قذر و لحمه محرم علينا و دايما بلعب بالطين و حالتو حالة يعني اشي بقرف!
لأ و كمان ما بتفرق معو لا شرف و لا غيرو...يعني عادي كوووووووووول مرتو تروح مع خنزير تاني غيرو و قدام عينو...و ممكن حتى تبلبط بالطين قدامه كمان عاااااااادي...

لا أعتقد يوجد أي ظلم للخنزير فهو يستحق أن يوصف للرجل الذي ليس رجل! أو للشخص القذر ...الخنزير ليس حيوانا مظلوما!


يوجد الكثير من الحيوانات لكن سأكتفي بهذا القدر في الوقت الحالي...
لا أعدكم بأي جزء ثاني و لكن يوجد احتمال :)

البكاء ~ الجزء الاول

يعني العياط بالعامية...

العياط يختلف من شخص لشخص و حسب البيئة و الفئة العمرية و أيضا حسبب المسبب للبكاء...فبكاء الطفل الرضيع يختلف في الشكل و التطبيق و المسبب عن بكاء الطفل ذات الخمس سنوات الذي يختلف بدوره عن بكاء الطفل ذي ال7 سنوات، من أخذ عينات عشوائية و مزاجية و غير مرتبطة بأي شكل رسمي أو أي هيئة عليا (أو حتى سفلى) قدرت اني أصنف البكاء و مسبباته حسب الفئة العمرية

أولا: البكاء الطفولي

التعريف: و هو بكاء الطفل و يعود لعدة أسباب ممكن الجوع، الملل، الرغبة في الخروج و النوم في السيارة، رغبته بالحصول على الذي بيدك مهما كان، الخوف، صوت عالي سمعه..... و ممكن أن يكون بكاء من دون و لا سبب هيك مزاجه و ما بدو اشي و غصبن عن راس الي خلفوك بدك تتحمل الولد!

العمر: من يوم و حتى سنتين أو 3 سنوات تقريبا

طرق وقفه: للأسف هذا النوع لا يمكن معرفة سببه و بالتالي بدك تضل تجرب لحد ما يسكت الولد مع ملاحظة انو الولد ممكن يكون بعيط من دون سبب!

ثانيا: بكاء المدارس و ما يرتبط فيها

التعريف: هو بكاء الطفل نتيجة لذهابه للمدرسة أو الحضانة


العمر: من أول ما يدخل الروضة لحد الصف الرابع


طرق وقفه:غير متوفرة لحد الأن، بس في حل بديل انك تقعد معه و تصير تحمله جميلة انك بتصرف عليه و انو دنبك انهرى من قد ما هزيتو للمدرا و انك حتى بطلت تقدر تلعب بدنبك من ورا مرتك لأنو دنبك مشغول...
و برضه بتصير تحملو جميلة بالتوصيل للمدرسة و تصير تحكيلو انك كنت تروح من القرية للمدسة الي بتبعد 3 كيلو مشي عرجليك و انو كانت الكتب أخمل من كتب الجامعات وقتها و وزنها تقيل و انك كنت تدرس على ضو الشمعة....الخ
ملاحظة:هاي الأمور راح تخفف حدة البكاء و لكن ليس بالضرورة أن توقف البكاء كليا!

ثالثا: بكاء المراهقة

التعريف: و هو البكاء الذي يحدث خلال فترة المراهقة و هنا يجب التفريق بين جنس المراهق، اذا كان بنت تكون أسباب تافهة مثل (علامة منخفضة في المدرسة، في واحد بتحبه مو معبرها، أبوها زعلها، بتمر بمرحلة عشق تامر حسني ...الخ) أما بالنسب للشب فبتكون أسباب البكاء اما انو ماكل قتلة من شباب تانيين أو صاحبتو حلقتلو عل ناعم!

العمر:بين  12-18

طرق وقفه: لا يوجد طرق فعالة و لكن يظهر الدور الفعال للسجاير و الدخان في تخفيف حدة البكاء فبصير الشب يدخن و يشرب بيبسي بالحارة ورا البيت عشان ما حدا يشوفو و بتعرف على شلة من الشباب الطيبة الي بتصير تعلمو كيف يسحب الدخان لجوه...

أما البنت فحالتها أحسن بقليل، يعني ممكن تقضيها عل تليفون مع صاحباتها الي بهونو عليها الموضوع و في الحالات الغرامية بتصير تستعمل صاحباتها كمراسيل للحب و عشان يصالحوها مع حبيبها بس بطريقة غير مباشرة عشان تحفظلها كرامتها...

ثالثا: بكاء الجامعة

التعريف: هو بكاء البنت نتيجة لتحصيلها علامة منخفضة، أو بكائها عشان حبيبها (قحطلها) و راح مع حدة تانية....الشباب نادرا ما يعيطو بهاي الفترة

العمر: 19-25

طرق وقفه: مافي طرق ناجحة 100% و لكن البنات و المعارف بحاولو قد ما يقدرو يهدوها و يجيبولها ساندويشة لينة أو سلطة صغيرة عل غذا أو علبة عصير 

و للبقية تكملة مع الجزء الثاني قريبا ان شاء الله :)

لا أرجوك ما تنتحر

ليش دايما بنساعد الي بدهم ينتحرو و بنمنعهم من الإنتحار؟

بتلاقي الناس كلهم ملمومين و بصيحو (لأأأأأأأأأأأأأأأأأ ما تنط!!!! بدنا شرطة!!!! الحقونا!!!)

طبعا عل أغلب هاي الأشياء بتصير ببلاد بره مش ببلاد جوه

ليش احنا بنحاول ننقذه؟ ازا هو كان الشخص نفسه بكون مو فرقانة معو احنا بنمسكو و بنتحايل عليه و بنخليه غصبن عن راسه يعيش؟

مين أعطانا الحق نفرض عليه و نجبره انو يعيش؟ ازا كان هو ضارب الدنيا كلها بجزمة قديمة و بدو ينتحر...

طب و لو عاش مثلا هل راح تتحسن نفسيته؟

بالعكس راح تسوء أكتر لأنو اكتشف انه فاشل حتى بالإنتحار....

و بالنسبة للمنتحر, بدال ما يعملي فيها دراما و يختار الإنتحار عن طريق النط بإمكانه الإنتحار عن طريق السم  أو الحبوب و بالعكس الإنتحار بهاي الطريقة غير مؤلم أو ممكن انه يكون مؤلم بالمعدة لفترة قصيرة و بعدين خلص برتاح للأبد...و ما حدا يبمنعه أو بضايقه أو بفرض عليه الحياة لأنو ما حدا شايفه لأنه ازا اختار الإنتحار عن طريق الحبوب عل أغلب راح يكون بغرفته يا اما على مكتبه الي جمب التخت و يكون كاتب رسالة الوداع لأهلو و بحملهم مسؤولية فشله و ليش ما خلوه يتجوز البنت الي بحبها ...

أو ممكن يكون على تخته و حاطط الرسالة تحت المخدة مثلا, و بكون نايم بكل هدوء زي الملائكة و متدفي مش عظامه مكسرة زي الأهبل الي بدو ينتحر بالنط.

ممكن برضه يصرب حالو ابرة هوا و يشل عرض قلبه هاي أعتقد انها ما بتوجع كتير يا دوب الشهقة و خلص!

ازا المنتحر يهدف الي اشعار أهله بعذاب ضمير ممكن انه ينتحر عن طريق قطع الوريد و بخليه البيت أو الحمام يغرق بالدم ساعتها أكيد أهلو راح يتدائقو أكتر...


يعني الطرق متعدد و النتيجة جهنم و بئس المصير....
و أخيرا...عزيزي المنتحر فكر قبل الإنتحار و تذكر انك بانتحارك فأنت انسان جبان تهرب من الحياة و تهرب من مشاكل تافهة

نظرية اللقمة الأخيرة

في كتير من الأحيان بنطلع احنا و اهالينا على مطعم فاخر جدا (و غالي) و غالبا هاي الطلعات بتكون على شرف ضيف معين, واحد راجع من السفر, أو صديق عزيز جدا على العائلة, أو مع نسايب جداد للعيلة...الخ من هاي الحالات الغير دورية...


في حالة الاردن, المطاعم الفاخرة, الي موجودة على طريق المطار, يعني زي كان زمان, قرية النخيل, التلال السبعة, الفردوس
و أغلب هاي المطاعم بتكون وجبتها الرئيسية المشاوي, صح


طيب خلينا نتخيل سوا عيلة عادية جدا, طالعة تتعشى في مطعم من هاي المطاعم, و معهم ضيف...
طلبو الأكل و كل اشي تمام...


نزلت صحون السلطة, و الحمص على الطاولة, و صار الكل يمد ايدو بالعقل و يتنقرش بالسناكس, و ازا كان في خبز, بتلاقي بعض من الحضور بلش يغمس الحمص, و طبعا هدا لا يعتبر أكل رسمي, هدا اسمو نقرشة عبيل ما ييجي الطبق الرئيسي


و بعد طول انتظار بتنزل صحون المشاوي, و بيسكت الحاضرين, ما عدا شخصين أو 3 بالكتير بيضلو يتبادلو أطراف الحديث, و أغلب الأحيان, الموضوع بيكون يا اما (ايمتا راح نفرح فيك) أو حكي عن بلاد الغربة, و عادات و تقاليد الشعوب, أو نوعية الأكل...
و الباقيين بيكونو داقيين في الأكل, و بتعازمو على بعض كمان
(بالله يا أبو حميد تناولني حبة كبة...
خالتو بالله تدوقي هال شقفة من ايدي, اتنغصتلك فيها
كيف الأكل يا سوسن؟ ان شاء الله عجبك؟
ناولني رغيف من عندك...
الخ)


النظرية بتحكي ما يلي...(ركزو معي بالله على هال مقطع)
لما الصحون تفضى كلها, الا ما يضل صحن في سيخ كباب, صحن وحيد على السفرة في سيخ كباب وحيد يتيم...
النظرية تاعتي بتحكي انو راح ييجي الجرسون و يلم الصحون كلها , بما فيها السيخ الوحيد!


و هون النهفة في الموضوع, انو ما حدا بيمد ايدو و بياكل السيخ الأخير, ظمنيا, بيصير كل واحد يوفره للي قدامي (مع انو الي قدامو ما عبر انو لساه جوعان)


و ما حدا راح يوصي على صحن تاني (لأنو معزوم, و عيب يتقل على الشخص الي عازمهم بالفاتورة)


فبيصير الجميع يعتقد انو عيب يمد ايدو على السيخ الأخير (حتى لو كان جيعان)
.....شو انا نوري أمد ايدي على السيخ الأخير؟ ولا مشتهي الأكل؟ و حتى لو جوعان, لأ عيــــــــــــب..


طبعا أنا لاحظت هدا الاشي كتير...
و ازا حبينا نوسع دائرة النظرية, راح نلاحظ انو العُقدة بتكبر أكتر لما يكون العشاء بين واحد و خطيبتو و أي شخص اخر من عيلة البنت..
لا العريس راح يمد ايدو على السيخ الأخير (عشان يوفره لحبيبتو أو أخوها)
و لا البنت راح تمد ايدها على السيخ الأخير, عشان ما تبين مفجوعة و مو شايفة خير
و الي مع البنت برضه ما راح يمد ايدو على السيخ الأخير, عشان أصلا بيكون عندو شعور عقدة أخو العروس و عشان ما يتقل على العريس----لأنو أصلا جاي مع أختو كبة بلا و ضمنيا, عشان ما يختلي العريس بخطيبتو, يعني أحسن ما يخربش و ياكل خطيبتو بدال ما ياكل الأكل الي على السفرة...




بيكفيكم اليوم هاي النظرية, و لاتر أون بحكيلكم عن النظريات التانية, عشان بدي أطلع مع صحابي نلحق (ندش) على المول )


الي حابب يعلق على أي اشي يتفضل, و المرة الجاية ان شاء الله بحكيلكم عن نظرية البنت البشعة

نظرية البنت البشعة

كتير شباب بيكونو قاعدين بتصببو على البنات الي رايحين و الجايين, هيك قعدة ما الها معنى, و بتكتر هاي القعدات في الجامعات, بتلاقي الشباب في أوقات الفراغ قاعدين في مكان معين, (لازم يكون في فية و ما في شمس) و بيكونو يا اما قاعدين على الأرض (أو الحشيش ازا كان متوفر) أو على كراسي, و ازاكانو قاعدين على كراسي, لازم واحد منهم على الأقل يكون قاعد فوق الكرسي, لأ, مش عادي, يعني حاطط اجريه محل ما الواحد بيقعد, و لازم يكونو بيحشيشو دخان!


المهم, مش هدا موضوعنا, أنا بس حبيت أنعنش ذاكرتكم شوية...
البنات عادة, بيتمشو, او قاعدين في الكافتيريا!
خاصة في الجامعات, بيحبو يكزدرو في هال شمسات, و ما حدا بيعرف السبب, ممكن عشان يضربو سمار مثلا, أو عشان يسمعو تعليقات من الشباب, لأنو البنت عندها غريزة انها بتحب حدا يقدر جمالها....


و عادة البنات ما بيكونو شلل, بيكونو تنتين أو ثلاث بنات بالكتير بيتمشو, و على الأغلب بيكونو بنتين بس!


بعد دراسة مستفيضة و أخذ عينات عشوائية, من مختلف الجامعات الحكومية و الخاصة, توصلت لهاي النظرية, انو البنتين الي بيكزدرو, لازم و بشكل مؤكد انو تكون وحدة منهم حلوة و التانية أقل جمالا بمراحل عديدة! و على الأغلب بتكون بشعة مقارنة مع التانية الي ماشية معها!


بس هدا الموقف ما اجى هيك من الباب للطاقة, انو بنت بشعة و بنت حلوة, بالعكس, هدا تانج من البنت البشعة...
يعني, ألنظرية بتحكي بكل بساطة, انو البنت البشعة عندها شعور من النقص, لأنها لما تكون ماشية ما حدا بعبرها, و لا حدا بزت عليها أي كلمة معاكسة, و زي ما اتفقنا بالأول, البنت بطبيعتها بتحب حدا يرمي عليها أكم من كلمة, عشان تحس بأنوثتها, فالبنت البشعة ما بتحس بأنوثتها لأنها بشعة و ما حدا بيعبرها!!


فبتمشي مع وحدة حلوة عشان لما الشباب يرمو أي كلمة, بتصير في العقل الباطن تكزب على حالها و تنبسط و تحكي (ياي والله انا حلوة...)
و الشباب طبعا بيزيتو الحكي على البنت الحلوة...
-ايش هال طعجة يا نعجة
-ايش هال أحمريا مدحبر
-والله على راسي


....الخ من عبارات الشباب ...


و تعليقات الشباب بتكون أحيانا مبنية على نظام التقييم بالترقيم, يعني أغلب الشباب (بما فيهم أنا) بنعطي أرقام للبنات, هاي مثلا بتاخد 7 من 10, هاي 8.5 , هاي 5, هاي راسبة و هيك!


يعني الصافي, البنت البشعة بتمشي مع البنت الحلوة عشان تسمع كلام و غزل ما بتسمعو ازا كانت ماشية لحالها

عقدة أخو العروس

طبعا احنا كعرب (بغض النظر عن الدين) أصلا متحفظين جدا, و ما بنتقبل فكرة انو البنت تصاحب, و هدا موضوع شائك جدا كيف بعض الشباب بيسمحو لحالهم انهم يصاحبو (او خلينا نحكي يحبو بنت حب شريف و طاهر بنية الزواج), و ما بيرضو خواتهم مثلا يصاحبو, و مع مرور الوقت و زيادة الوعي من التجارب الي مر فيها الشب, بيوصل لمرحلة انو المصاحبة غلط في غلط, و ببطل يتولدن...
و و الشب الي مصاحب, أكتر سؤال محرج ممكن يتعرضلو لما صاحبتو تسألو (بترضى اختك تصاحب متل ما انتا مصاحب) و بيصير الشب عادة يتفلسف (والله لو في شب متلي و أخلاقو متلي و نية نظيفة, أنا ما عندي مشكلة)-------هدا الشب الدبلوماسي


أما الشب الجفص, و الي ممشي كلمته على صاحبتو, ممكن يكون معها صريح و يقولها (لأ ما برضى أختي تعمل هيك, والله بدبحها) بس البنت ممكن تكون حدقة, و تسألو مباشرة (طب انتا ليش مصاحبني) و هون بيصير يا اما يغير الموضوع أو بحاول يفهمها انو حالتهم وضع خاص, و نادرة جدا! و انو هدفهم شريف بالأخر, و ما عم بيعملو اشي غلط, و انو حب عذري هدا...الخ


برجع و بكرر انو هدا موضوع شائك جدا, و صعب الواحد يحكي فيه فعشان هيك, خلينا نركز على الموضوع الرئيسي...


فنتيجة لطبيعة التفكير العربي, و الشرف, و هاي الأشياء...الي بتيجي للشب بالفطرة, بتمر الأيام و بتلف و بيجي ابن حلال يخطب أختو!
فترة الخطبة بتكون عبارة عن حرب داخلية في معتقدات و مبادىء الشب, بمعنى أخر, لما ييجي العريس زيارة على البيت (خاصة في بداية فترة الخطبة, لما يكونو العرسان لسه ما أخدو على بعض) بيكون العريس بطبيعة الحال عينو على خطيبتو طول القعدة, و حتى لو أخوها قاعد , ما هية البنت راح تصير مرته بعد فترة من الزمن ...
فالوضع مش طبيعي...
يعني, هدا الشب ما بيرضى أختو تحكي مع واحد غريب على التليفون, و هيه قاعد واحد غريب بيتبصبص عليها, لأ و قدام عيني كمان!!!!!!!!


و هاي العقدة ما بتكون مبينة, و لا ممكن واحد يعترف فيها, بس من جوا ازا واحد فكر فيها و هو لحالو راح يلاقي الوضع غريب شوية, و خاصة ازا مثلا كان طالع مع أختو و خطيبها!
انو هدا الزلمة فعليا طالع مع أختي و أنا معهم كمان!
و أحيانا أخو العروس بيشد انو يعزم الزلمة الغريب و يدفع هو فاتورة الطلعة بين الزلمة الغريب و بين أختو!!!


أبرز اللحظات الي بتنفجر فيها هاي العقدة بالنسبة للشب, هي في حالة انو ما صار نصيب, انهم فسخو الخطبة مثلا, بتلاقي أخو العروس أكتر واحد حميان, و نفسو يشرب من دم العريس الي بطل! و مستني على نقرة صغيرة بس و يروح يلعن تميسه و يحشي اجره في نص بطن الشب الي خلع!


و أكبر دليل على وجود هاي العقدة عند الشب (بغض النظر انو اعترف فيها و لا لأ) أكبر دليل هو شو شعور الشب لما يجي العريس يشوف أختو لأول مرة!
-انو شو الهدف من الزيارة؟
--جاي يتعرف علينا و يشوف اختي!
-طيب شو المفروض أنا أعمل؟
--جامله و حاول تفتح معاه مواضيع , أي اشي عشان قد ما تقدر تخليه يركز معك و يبعد عينه عن أختك!




























































أنا مش مجنون, بس بدي اوصل فكرة انو سبحان الله, كيف الحلال الو معنى و طعم أخر, و الأشياء لما تنعمل حسب الأصول ممكن تغير معتقدات البني أدم مهما كانت عظيمة, و انو فعلا مافي بعد الصح!
و لا يصح الا الصحيح

Fayrouz

I said it and i'm going to say it again, we all love Fayrouz, her voice is just amazing no one can sing like her, but let's take a short pause here and listen to the Lyrics....it's meaningless really!

Hold your guns and read my post till the end....

عهدير البوسطة كانت نقلتنا من ضيعة مش عارف شو على ضيعة تنورين...
...
تك تك تك يا ام سليمان تك تك تك جوزك وين كان

..
تلج تلج عم بتشتي الدنيي تلج

...
حبيتك بالصيف خبرتك بالشتا, و عيون الصيف و عيون الشتا...
...
راجعين يا هوا راجعين

and the list goes on and on and on....

I love Fayrouz, i just adore her voice, and i can still see my self every single day driving to my university while listening to her, with a cigarette in my hand while my coffee is waiting to cool down in the cup holder...mmmm i miss these days...

buttom line is, we love Fayrouz because of her voice, and i'm sure that no one cares about the words, 5alas sound is great, music is nice and soft and it's Fayrouz !

Ok, Lock 'N Load and fire your guns at me accuse me of being Anti-Fayrouz guy :)